Үйлчилгээний нөхцөл

Copla нь SaaS ecommerce платформ бөгөөд хэрэглэгчид өөрийн онлайн дэлгүүрийг үүсгэх, бүтээгдэхүүн байршуулах, захиалга удирдах, төлбөр хүлээн авах, хүргэлтийн мэдээлэл боловсруулах зэрэг боломжуудыг олгоно.

Copla нь зөвхөн технологийн платформ үзүүлэгч бөгөөд дэлгүүр эзэмшигчийн борлуулалт, бараа, үйлчилгээ, төлбөр, татвар, хүргэлт зэрэгт шууд оролцдоггүй.

2.1. Хэрэглэгч нь үнэн зөв, бүрэн, хууль ёсны мэдээллээр бүртгүүлэх үүрэгтэй.

2.2. Хэрэглэгч өөрийн нэвтрэх эрх, нууц үгийг хамгаалах үүрэгтэй бөгөөд гуравдагч этгээдэд алдагдсанаас үүсэх хариуцлагыг өөрөө хүлээнэ.

2.3. Платформ нь шаардлагатай тохиолдолд үйлчилгээний аюулгүй байдал, хууль зүйн үндэслэлээр хэрэглэгчийн эрхийг түр хугацаагаар хязгаарлах боломжтой.

4.1. Хэрэглэгч өөрийн борлуулалт, татвар, НӨАТ болон холбогдох санхүүгийн тайлангийн үнэн зөв байдлыг бүрэн хариуцна.

4.2. Copla нь зөвхөн платформын үйлчилгээ үзүүлэгч бөгөөд хэрэглэгчийн борлуулалтын үйл ажиллагааны шууд оролцогч биш болно.

copla.mn дээрх дэлгүүрүүд нь бие даасан дэлгүүр эзэмшигчид үүсгэсэн бөгөөд борлуулалт, барааны чанар, үнэ, хүргэлт, буцаалт, баримт, төлбөр зэрэг гүйлгээний үндсэн харилцаа нь тухайн дэлгүүр эзэмшигч болон худалдан авагчийн хооронд үүсдэг.

Copla нь зөвхөн технологийн платформ үзүүлэгч тул дэлгүүр эзэмшигчийн мэдээлэл, зар сурталчилгаа, бүтээгдэхүүн, үйлчилгээний үнэн зөв, хууль ёсны байдлыг бүрэн баталгаажуулдаггүй.

Худалдан авагч, зочин хэрэглэгч дараахыг өөрөө хянан шалгах, болгоомжтой байх үүрэгтэй:

• Дэлгүүрийн нэр, холбоо барих мэдээлэл, үнэ, нөхцөл, сэтгэгдэл, бусад эх сурвалжийг харьцуулж үнэлэх
• Хэт хямд, эргэлзээтэй, яаралтай төлбөр шаардах, данс руу шилжүүлэх зэрэг залилан, хууран мэхлэлтийн шинжтэй саналд өртөхөөс сэргийлэх
• Төлбөрөө баталгаажуулах, баримт, хүргэлтийн мэдээллийг хадгалах
• Маргаан гарвал эхлээд дэлгүүр эзэмшигчтэй шууд холбогдох; шаардлагатай бол эрх бүхий байгууллагад мэдэгдэх

Хэрэглэгч дараах үйл ажиллагаа явуулахыг хатуу хориглоно:

• Хууль бус бараа, үйлчилгээ, эрхгүй борлуулалт, хуурамч бүтээгдэхүүн
• Хориотой бараа (жишээ нь: хууль бус эм, зэвсэг, хар тамхи зэрэг хуулиар хориглосон бүтээгдэхүүн)
• Садар самуун агуулга, хүүхдэд хохирол учруулах агуулга, хүчирхийлэл, ялгаварлан гадуурхах агуулга
• Зохисгүй, доромжилсон, хүчин төгөлдөр үг хэллэг, харилцаа
• Хуурамч захиалга, залилан, луйвар, системийн аюулгүй байдалд халдах оролдлого
• Бусдын оюуны өмч, нэр төр, нууцлал, хувийн мэдээллийг зөрчих
• Copla.mn болон гуравдагч этгээдийн нэр хүнд, итгэлцлийг гутаах үйл ажиллагаа

Copla нь платформын аюулгүй байдал, хууль ёсны дагуу, бусад хэрэглэгч болон гуравдагч этгээдийн эрх ашгийг хамгаалах зорилгоор доорх эрхийг өөртөө хадгална.

Дараах тохиолдолд Copla урьдчилан мэдэгдэлгүйгээр, эсвэл шаардлагатай үед хугацаатай мэдэгдлийн дараа дараах арга хэмжээ авах эрхтэй:

• Тухайн дэлгүүрийг түр эсвэл бүрмөсөн хаах, нуух, идэвхгүй болгох
• Дэлгүүрийн контент (бараа, зураг, мэдээ, баннер, тайлбар гэх мэт) устгах, засах, нуух
• Хэрэглэгчийн бүртгэл, нэвтрэх эрхийг хязгаарлах, түдгэлзүүлэх, цуцлах
• Тухайн хэрэглэгчид шинээр дэлгүүр нээх, ижил эсвэл өөр нэрээр дахин бүртгүүлэх боломжийг хязгаарлах эсвэл бүрмөсөн хориглох
• Холбогдох мэдээллийг эрх бүхий байгууллагад шилжүүлэх, хуулийн дагуу хамтран ажиллах
• Дээрх шийдвэр нь Copla.mn брэндийн нэр хүнд, итгэлцэл, платформын үйл ажиллагаанд сөргөөр нөлөөлсөн, эсвэл хууль зөрчсөн гэж үндэслэн авсан байж болно
• Ийм шийдвэртэй холбоотойгоор Copla нь хэрэглэгчид шууд эсвэл шууд бус хохирлыг нөхөн төлөх үүрэг хүлээхгүй

Хэрэглэгч, худалдан авагч, гуравдагч этгээд Copla-д дэлгүүрийн контент, үйл ажиллагаа, зөрчилтэй холбоотой гомдол, мэдэгдэл ирүүлж болно.

Copla нь хүлээн авсан гомдлыг шалгаж, шаардлагатай тохиолдолд 7-р зүйлд заасан арга хэмжээ авна.

Гомдлын агуулга, хавсралт материал Copla-ийн дотоод үнэлгээнд ашиглагдаж болно.

Хуурамч, залилангийн шинжтэй гомдол ирүүлсэн тохиолдолд хариуцлага хүлээлгэх эрхтэй.

Дэлгүүр нээх, багц идэвхжүүлэх, платформын үйлчилгээний төлбөр (subscription, багц, нэмэлт үйлчилгээ гэх мэт) нь тус бүрийн санал болгож буй нөхцөл, үнэ тарифад заагдсан байна.

Хэрэглэгч төлбөр төлсний дараа дараах тохиолдолд Copla нь төлбөрийг буцаан олгохгүй байх эрхтэй:

• Хэрэглэгч энэхүү Нөхцөлийг зөрчсөн, 6–7-р зүйлд заасан үндэслэлээр дэлгүүр хаагдсан, эрх хязгаарлагдсан
• Хэрэглэгчийн буруутай үйлдэл, тохиргооны алдаа, гуравдагч талын системийн асуудлаас үүдэлтэй
• Үйлчилгээ ашигласан хугацаа эхэлсэн, багц идэвхжсэн, системийн нөөц ашигласан
• Хууль, төлбөрийн үйлчилгээ үзүүлэгчийн дүрэм, QPay болон банкны журмын хязгаарлалт
• Буцаалт хийх эсэхийг Copla нь өөрийн дотоод журм, хууль тогтоомжийн шаардлага, гүйцэтгэсэн үйлчилгээний хэмжээг үндэслэн дангаар шийдвэрлэнэ
• Хэрэглэгчийн хоорондын борлуулалт, захиалгын төлбөрийн буцаалт нь дэлгүүр эзэмшигч болон худалдан авагчийн хоорондын харилцаанд хамаарна; Copla нь ийм маргаанд шууд оролцох үүрэггүй
• Хуульд заасан тохиолдолд хэрэглэгч холбогдох эрхээ эдлэх боломжтой боловч Copla нь хуульд зааснаас илүү өргөн буцаалтын үүрэг хүлээхгүй

9.1. Системийн шинэчлэл, засвар үйлчилгээний үед платформ түр хугацаанд ажиллахгүй байж болно.

9.2. Copla нь үйлчилгээний нөхцөл, тариф, боломжуудыг шаардлагатай үед өөрчлөх эрхтэй. Өөрчлөлт нь платформ дээр нийтэлснээр хүчин төгөлдөр болно.

Платформын программ хангамж, дизайн, лого, системийн бүтэц, Copla.mn брэнд зэрэг нь Copla-ийн өмч бөгөөд зөвшөөрөлгүй ашиглах, хуулбарлах, өөрчлөхийг хориглоно.

Хэрэглэгч платформд байршуулсан контентийн эрх хэрэглэгчид хадгалагдана; хэрэглэгч платформд үйлчилгээ үзүүлэх зорилгоор ашиглах эрхийг Copla-д олгосонд тооцно.

Copla нь дараах нөхцөлөөс үүсэх шууд болон шууд бус хохиролд хариуцлага хүлээхгүй:

• Интернэт болон гуравдагч талын системийн доголдол
• Банк, QPay болон төлбөрийн системийн саатал
• Хэрэглэгчийн буруу тохиргоо, контент
• Хэрэглэгчийн хоорондын гүйлгээ, маргаан
• Форс мажор нөхцөл байдал
• Copla-ийн хариуцлагын дээд хэмжээ нь холбогдох хугацаанд хэрэглэгч Copla-д төлсөн платформын үйлчилгээний төлбөрийн дүнгээр хязгаарлагдаж болно (хуульд өөрөөр заагаагүй бол)

Хэрэглэгчийн мэдээллийг холбогдох хууль тогтоомж болон Нууцлалын бодлогын хүрээнд хамгаална.

Үйлчилгээтэй холбоотой санал, хүсэлт, гомдлыг дараах хаягаар хүлээн авна: